Það eru nú ekki bara naglarnir....

Það virðist lenska að æpa alltaf á þá sem kjósa eða þurfa að nota nagladekk í hvert skipti sem menn ræða svifryk og slit á götum.  Vissulega eiga þeir sinn þátt í þessu en margt fleira kemur til sem menn líta aldrei á eða viðurkenna.

Ég leyfi mér að efast um fullyrðingu borgarstjóra um að nagladekk á fólksbílum slíti götum hundraðfalt meira en önnur dekk.  Bið borgarstjóra um að skoða fleiri þætti eins og lélegt efni í malbikinu, sem er grágrýti úr malargryfjum borgarinnar en ekki kvartz eða harðari efni. 

Þá væri líka ekki úr vegi að þrífa göturnar með háþrýstiþvotti eins og aðar borgir gera.  Svifrykið þyrlast ekki upp vegna naglanna, heldur vegna þess að það er til staðat í holum og köntum og það eru stóru bílarnir, t.d. strætó sem þyrla rykinu upp.   Alvöu þrif á götunum myndu koma í veg fyrir það.

Ég er aftur á móti sammála því að það er óþarfi að aka á nagladekkjum miðað við núverandi tíðarfar og menn ættu að drífa sig í að skipta yfir á sumardekk.  Reyndar eru nútíma vetrardekk orðin svo góð, að naglar eru nánast óþarfir hér á suðvestur horni landsins.

Það er því óþarfi hjá borgarstjóra að pirra sig of mikið yfir því sem aðrir gera,  þegar það er mun meira sem hann getur gert til að koma í veg fyrir svifryk sjálfur.  Væri nær að pirra sig yfir því.....

 Ólafur Guðmundsson.

Nagladekk pirra borgarstjórann

Athugasemdir

[V.Jóhannsson (IP-tala skráð) 11.5.2013 kl. 15:11]

Mjög góð ábending hjá þér og sérstaklega þetta með grágrýtið, ef satt er. Það getur verið dýrt að spara og þá tala ég ekkert síður um heilsu fólks vegna mengunar en slit á vegum.

Það væri kannski ekki svo vitlaust að námsmaður í Háskólanum gerði doktorsritgerð um málið. Það gæti skilað árangri.