Svar til Helga Hjörvar...

Það er allveg ljóst að svarið við þessu er NEI eins og staðan er nú.  Umferðarlögin á Íslandi eru að grunni til frá 1987, þegar nánast ekkert í bílum var tölvuvætt.  Allt gengur út á ökumanninn og ábyrgð hans.

Ég hef verið á nokkrum fundum og ráðstefnum erlenis um þetta efni, nú síðast á FIA Mobility Conference Week í London, þar sem nánast allt snérist um þessa nýju tækni, hraðan í þróuninni sem eykst og eykst, ásamt því sem þarf að gera.  Þarna voru um 300 manns, frá 80 löndum að ræða þetta efni, þar með Bandaríkin, Evrópa, Kína, Ástralía, o.s.frv.  Ofboðslega mikið í gangi, en því miður ekkert á Íslandi.

Fyrir 2 árum voru skilaboðin eftir slíka ráðstefnu, að allir fulltrúar færu heim og myndu vekja ráðuneyti, ríkistjórnir og aðra sem málið varðar.  Ég reyndi það, fór á fundi, hélt kynningar og svo síðan vakningarfund í október í fyrra ásamt Bílgreinasambandinu og Innanríkisráðuneytinu, þar sem bjöllum var hringt.  

Síðan þá hefur ekkert gerst, annað en að ég hef komið í nokkur viðtöl, örfáar greinar hafa birst um það sem er að gerast erlendis og þar með er upptalið.  Ég var á ráðstefnunni í London og er enn að melta allt sem ég sá og lærð, ásamt því að renna yfir öll gögnin sem ég fékk.  Ef einhver vill vita meira, þá bara hafa samband.

Kveðja.

Ólafur Kr. Guðmundsson.

Tæknistjóri EuroRAP á Íslandi.

[e-mail]

 

Eru sjálfkeyrandi bílar löglegir á Íslandi?

Athugasemdir

[Morten Lange, 25.9.2015 kl. 00:22]

Ég hefði áhuga á að heyra bestu rökin gegn því að þessi tækni muni innleiðast svo um muni á næstu 20 árum.
Já og sérstaklega rök sem snúa að lagaóvissa, réttindi annarra vegfarenda og lækkun þröskulda fyrir bilferðir og að þessir bílar geta skemmt fyrir almenningssamgöngur. 
Voru einhverjar gagnrýnar raddir á ráðstefnunum ?

[Morten Lange, 25.9.2015 kl. 09:22]

Tak annars fyrir að veita þessu skýru svari við hvort sjálfkeyrandi bílar séu löglegar á götunum hér.

Ertu með dæmi um ákvæði / lagagrein sem þyrfti að breyta og kannski dæmi um lönd þar sem þetta er komið í ferli ?