Með ólíkindum hvað tekst að fara langt með þessa vitleysu.

Það væri nú eftir okkur íslendingum að fara að reka gífurlega flókið samgöngutæki sem við höfum enga reynslu af, þegar við getum ekki einusinni rekið grunnkerfi eins og götur.  Til að toppa það er jafnframt engin þörf eða nauðsyn á þessari framkvæmd, enda sprottin upp úr engu.  Verst er að stjórnmálamenn láta glepjast til þess að breiða yfir það sem skiptir máli og þeir ættu að vera að sinna, eins og viðhaldi gatna.

Nær væri að klára Reykjanesbrautina, sem í dag er hálfkláruð, illa farin vegna viðhaldslsysi og í um 15% af afkastagetu væri hún kláruð.  Tækniþróun í bílum og rútum er mjög hröð og einungis tímaspursmál hvenær sjálfkeyrandi rútur sem ganga fyrir rafmagni verða mun raunhæfari kostur en lestarkerfi.

Miðað við það kort sem sýnt er með þessari frétt, munu lestarteinarnir liggja þar sem Reykjanesbrautin er.  Því vaknar spurningin um hvort eigi að loka Reykjanesbrautinni, eða láta teinana liggja á milli akreinanna.  Ég myndi allavega ekki vilja mæta þessu ferlíki á 280 km. hraða eða meira.

Menn verða að gera sér grein fyrir hvað verið er að tala um.  Þessir teinar munu rista Reykjanesið eftir endilöngu, þar sem í dag má ekki einu sinni leggja raflínu.  Umhverfisáhrifin verða gríðarleg, hávaðinn verulegur og allt aðgengi skert til mikilla muna.  Til að tryggja öryggi þarf að girða meðfram þessum tvöföldu teinum, þannig að hvorki menn né skeppnur komist í tæri við þetta ferlíki.

Kostnaðarlega er þetta allveg galið.  Öll svona áform eins og í Edinborg, Gardemoen og fleiri stöðum hafa endað í fanginu á skattgreiðendum og þar með almenningi.  Það að gera jarðgöng á jarðhitasvæðinu Reykjavík, sem jafnframt er fullt af vatni í mjúkum hraunlögum er galið.  Menn verða líka að átta sig á því, að svona göng eru ekki ein göng, heldur þrjú.  Lestargöng í tvær áttir og þjónustu- og öryggisgöng á milli.  Allt fóðrað með steinsteyptum hnausþykkum einingum eins og þeir sem hafa ferðast um Ermasundsgöngin vita.  Þar fyrir utan verður aldrei hægt að keyra á 250 km. hraða í göngunum vegna loftþrýstings og titrings.

Nei, leggjum öll svona Vaðlaheiðaráform á hilluna og hættum að moka peningum í þetta.  160 milljónir nú þegar farnar í vaskin vegna þessa.  Allar fyrri athuganir hafa sýnt að þetta er fráleitt, þar á meðal álit erlendra sérfræðinga.  Nær væri að nota þessa peninga í að klára Reykjanesbrautina og halda henni skammlaust við. 

Ólafur Guðmundsson.

 

 

 

Skrifuðu undir samning um fluglest

Athugasemdir

[Gunnbjorn Berndsen (IP-tala skráð) 24.3.2016 kl. 17:46]

Fullkomlega sammála,Þessi lest er bara bull.

[Halldór Egill Guðnason, 24.3.2016 kl. 17:55]

Tek heilshugar undir med síduhafa. Thetta er svo vídáttugalid ad thad er med ólíkindum. Eiginlega hrein og klár geggjun. Vaeri fródlegt ad vita hvort their sem skrifa upp á svona daudans dellu, séu reidubúnir ad gerast hluthafar í vitleysunni og leggja fram eigid fé. Eins og síduhafi bendir á er kostnadurinn vid thetta gígantískur. Thad eitt og sér drepur thetta vonandi í faedingu. Allir vita hvernig svona thvaela endar, ef fávísir stjórnmálamenn fá ad ráda. Svo mikid er víst. 160 milljónir í vaskinn nú thegar. Thad hefdi t.d. verid haegt ad láta Grensásveginn hverfa alveg, fyrir thann pening. Aetli Dagur og Hjálmar hafi ekki fattad thad?  

Gódar stundir, med kvedju ad sunnan. 

[Jón Steinar Ragnarsson, 25.3.2016 kl. 00:26]

Ef þetta verður samþykkt þá munu menn bara sí svona fjölga fjárfestum í verkefninu að Sögn Runólfs. 

Þanebblegaþa. Ekkert mál. Fjárfestar hljóta að bíða í röðum eftir að fá að komast að. Hahahahaha.

[Jón Steinar Ragnarsson, 25.3.2016 kl. 00:37]

Þetta er gaurinn sem leiðir málið. Runólfur Ágústsson sem var Rektor á Bifröst og umboðsmaður skuldara í einn dag og með dóm á bakinu fyrir fjárglæfrastarfsemi.

http://www.visir.is/runolfur-agustsson-daemdur-til-ad-greida-80-milljonir/article/2013131039729

Fyrirtækið með þessu mikilúðlega nafni bara nafnspjald væntanlega.

svona loddarar spil endalaust með hið opinbera. 160 milljón kall kominn í vasann þegar.

[Jósef Smári Ásmundsson, 25.3.2016 kl. 06:10]

Hugmyndin að leið lestarinnar sem sýnd er í þessari frétt er aldeilis frábær. Það hefur þurft mikla hugsun til að finna hana út og gefur að sjálfsögðu til kynna hvers konar hugsuðir eru þarna á ferð.

[Gulli (IP-tala skráð) 25.3.2016 kl. 09:57]

Láttu ekki svona Jósef Smári, það hefur örugglega tekið hátt í heila mínútu að teikna þessa leið í MS Paint!

[Ólafur Unnarson, 25.3.2016 kl. 14:18]

Sammála þessi lest er bull,væri nær að laga vegakerfið okkur um allt land.