Sökudólgurinn er Reykjavíkurborg sjálf....

Enn og aftur byrjar Reykjavíkurborg sama sönginn.  Öll loftmengun og svifryk bílum og nagladekkjum að kenna.  Staðreyndin er sú, að það eru aðgerðir og aðgerðaleysi Reykjavíkurborgar sjáfrar sem er aðal mengunarvaldurinn.  

Jú, það er rétt að nagladekk slíta götum meira en ónelgd dekk.  Samkvæmt erlendum rannsóknum munar þar um 10 til 15 prósentum.  Það er algjörlega ljóst, að megin ástæðan fyrir mengun af völdum umferðar í Reykjavík og á höfuðborgarsvæðinu eru ekki nagladekk, heldur umferðartafir, saltaustur, ófrágengnir kanntar, ónýtt malbik, holumyndun og síðast en ekki síst skortur á þrifum.

Þessi árvissi söngur Reykjavíkurborgar á því ekki við rök að styðjast.  Aðrar borgir eru tanduhreinar, þrátt fyrir nagladekkjanotkun.  Ástæðan hér er uppsafnaður skítur, ryk, salt og drulla sem fær að safnast upp fyrrihluta vetrar og þyrlast síðan upp þegar stillur fyrir vorið byrja.  Engin þrif eru af hendi borgarinnar fyrr en í byrjun sumars, öfugt við það sem áður var, en þá sást ekki svona rykmyndun og drulla.

Þrífa heima hjá sér.  Það er svarið og það er það sem aðrar borgir gera, það er að segja ef þeim er vel stjórnað....

Ólafur Guðmundsson.

 

Nagladekkin óþörf í höfuðborginni

Þetta er einfaldlega rangt.....

Þessi umfjöllun er röng og villandi.

 

Ég hef kynnt mér þetta mál mjög vel og séð flest gögn um það.  Fullt af spurningum er ekki svarað hér og rangar ályktanir dregnar að mínu viti.  Nefni nokkrar.

1.  Hraðinn 519 metrum fyrir slysið var vissulega 124 skv. GPS tækinu. Þetta er rúmum 300 metrum áður en fyrsta viðvörunarmerkið um þessa brú er staðsett. Það er samt ekki lögformleg mæling sem myndi duga til sakfellingar fyrir of hraðan akstur undir venjulegum kringumstæðum.

2.  Hraðinn 72 metrum fyrir slysið er 62 km.klst. skv. GPS tækinu.

3.  Hraði bílanna skv. niðurstöðu hraðamats H.Í var 60 hjá Kínverjanum og 32 hjá japananum sem lést, langt innan við leyfilegan hámarkshraða þarna, sem er 90 km.klst..

4.  Ekkert er fjallað um þá staðreynd, að brúin var ekki merkt samkvæmt handbók Vegagerðarinnar og Reykjavíkurborgar.  Hefði hún verið það, hefði viðvörunarferlið hafist 300 metrum fyrr.  Engin sök því sett á veghaldarann í þessu máli.

5.  Það er algjör firra, að taka ekki niður hraðann á einbreiðum brúm í allavega 70, sem er það sem bílarnir eiga að þola.  Að senda fólk á móti hvert öðru á 90, án þess að ákveða forgang og ætlast til þess að menn ákveði hver fer yfir með hugskeytum er bara brjálæði.

Læt þetta duga í bili, en ég get alls ekki skilið hvers vegna öll sökinn er sett á þennan erlenda ferðamann, sem er sennilega að aka yfir einbreiðar brýr í fyrsta skipti í sínu lífi og engin þeirra er merkt eins, eða sakmvæmt því sem gert er alþjóðlega.

 

Ólafur Guðmundsson.

Olli banaslysi á 124 km hraða

Sést á þessum myndum hversu vitlaust þetta er.....

Eins og þarna sannast, þá er þetta algjör eyðilegging á þessari götu.  Ef hægfara rúta eða annar stór bíll er að paufast þarna, þá komast sjúkrabílar ekki í áfram.  Gatan orðin þröng.  Auk þess er þetta ein helsta almannavarnargata Reykjavíkur, bæði vegna spítalans og tengingar milli tveggja stórra opinna svæða.

Til að toppa þetta, þá verða gatnamótin við Bústaðaveg eyðilögð í leiðinni, með því að taka beygjuvasana af og þarmeð verður aukin slysahætta.

170 milljónum sóað í þetta, sem endar eins og alltaf í yfir 200 milljónum á tímum þegar Reykjavíkurborg er á hausnum og getur ekki einusinni þrifið húsagötur íbúa, hvað þá malbikað.

Hafi menn skömm fyrir. Það var reynt að koma vitinu fyrir menn, en það gekk ekki, enda varla von á.

Ólafur Guðmundsson

Framkvæmdir við Grensásveg hafnar

Steingrímur á líka heimsmet....

Það eru fleiri en Sigmundur Davíð sem eiga "Heimsmet", sem Steingrímur J. Sigfússon þusar hér um.

Steingrímur á stærsta heimsmet íslandssögunar í póltískri spillingu, sem eru fjárausturinn í kjördæmi sitt, fram hjá lögum, reglum og faglegum sjónarmiðum.  Þessi met eru nefnilega fleiri en eitt og fleiri en tvö, en ég nefni bara Vaðlaheiðargöng og einkagöngin á Bakka.  Læt síðan Icesave liggja á milli hluta ásamt fleiru.....

Menn ættu því að tala varlega um heimsmet annarra.

 

Ólafur Guðmundsson.

Loksins á Sigmundur heimsmet

Með ólíkindum hvað tekst að fara langt með þessa vitleysu.

Það væri nú eftir okkur íslendingum að fara að reka gífurlega flókið samgöngutæki sem við höfum enga reynslu af, þegar við getum ekki einusinni rekið grunnkerfi eins og götur.  Til að toppa það er jafnframt engin þörf eða nauðsyn á þessari framkvæmd, enda sprottin upp úr engu.  Verst er að stjórnmálamenn láta glepjast til þess að breiða yfir það sem skiptir máli og þeir ættu að vera að sinna, eins og viðhaldi gatna.

Nær væri að klára Reykjanesbrautina, sem í dag er hálfkláruð, illa farin vegna viðhaldslsysi og í um 15% af afkastagetu væri hún kláruð.  Tækniþróun í bílum og rútum er mjög hröð og einungis tímaspursmál hvenær sjálfkeyrandi rútur sem ganga fyrir rafmagni verða mun raunhæfari kostur en lestarkerfi.

Miðað við það kort sem sýnt er með þessari frétt, munu lestarteinarnir liggja þar sem Reykjanesbrautin er.  Því vaknar spurningin um hvort eigi að loka Reykjanesbrautinni, eða láta teinana liggja á milli akreinanna.  Ég myndi allavega ekki vilja mæta þessu ferlíki á 280 km. hraða eða meira.

Menn verða að gera sér grein fyrir hvað verið er að tala um.  Þessir teinar munu rista Reykjanesið eftir endilöngu, þar sem í dag má ekki einu sinni leggja raflínu.  Umhverfisáhrifin verða gríðarleg, hávaðinn verulegur og allt aðgengi skert til mikilla muna.  Til að tryggja öryggi þarf að girða meðfram þessum tvöföldu teinum, þannig að hvorki menn né skeppnur komist í tæri við þetta ferlíki.

Kostnaðarlega er þetta allveg galið.  Öll svona áform eins og í Edinborg, Gardemoen og fleiri stöðum hafa endað í fanginu á skattgreiðendum og þar með almenningi.  Það að gera jarðgöng á jarðhitasvæðinu Reykjavík, sem jafnframt er fullt af vatni í mjúkum hraunlögum er galið.  Menn verða líka að átta sig á því, að svona göng eru ekki ein göng, heldur þrjú.  Lestargöng í tvær áttir og þjónustu- og öryggisgöng á milli.  Allt fóðrað með steinsteyptum hnausþykkum einingum eins og þeir sem hafa ferðast um Ermasundsgöngin vita.  Þar fyrir utan verður aldrei hægt að keyra á 250 km. hraða í göngunum vegna loftþrýstings og titrings.

Nei, leggjum öll svona Vaðlaheiðaráform á hilluna og hættum að moka peningum í þetta.  160 milljónir nú þegar farnar í vaskin vegna þessa.  Allar fyrri athuganir hafa sýnt að þetta er fráleitt, þar á meðal álit erlendra sérfræðinga.  Nær væri að nota þessa peninga í að klára Reykjanesbrautina og halda henni skammlaust við. 

Ólafur Guðmundsson.

 

 

 

Skrifuðu undir samning um fluglest

Er Sundabraut tímabær

Umræður um Sundabraut koma upp reglulega, sérstaklega á vetvangi stjórnmálamanna.  En er þessi framkvæmd tímabær og áríðandi út frá faglegum sjónarmiðum.  Er þörf á Sundabraut núna?  Hvað leysir hún?  Er gatnakerfið tilbúið fyrir hana að öðru leiti?  Ættum við kanski að gera annað fyrst?

Ef allir þættir eru skoðaðir, þá er ljóst að Sundabraut mun koma og það á að gera ráð fyrir henni í aðalskipulagi.  En til þess að hún þjóni tilgangi sínum þarf fleira að koma til, sem því miður hefur ekki verið hugað að og jafnvel unnið gegn af núverandi meirhluta í borgarstjórn Reykjavíkur.

Til að Sundabraut virki, þarf að tryggja gott flæði á Sæbraut og Miklubraut.  Eins og allir vita er núverandi ástand þar með öllu ófullnægjandi.  Sundabraut mun þar ekkert bæta í því sambandi.  Það er því algjör forsenda fyrir Sundabraut að úrbætur með mislægum gagnamótum verði framkvæmdar á Sæbraut og Miklubraut.  Verði það ekki gert munu umferðarteppurnar á Sæbraut frá Hörpunni ná langleið út í Holtagarða á hverjum degi.  Allar aðgerðir til að bæta úr þessu ástandi voru slegnar út af núverandi meirihluta í Reykjavík með nýju aðalskipulagi.

Þessu til viðbótar er með skipulagi Reykjavíkur búið að útiloka allar leiðir Sundabrautar nema eina, þ.e. hábrú við Klepp.  Innrileiðin er útilokuð með Vogabyggð og því að taka út mislæg gatnamót við Húsasmiðjuna og jarðgangnaleiðin slegin af með uppbyggingu á Kirkjusandi, fyrir utan óheyrilegan kostnað við þá leið.  Hábrú mun verða gífurlegt mannvirki, til að skipaumferð að athafnasvæði Samskipa verði möguleg, auk þess að vera varasöm í milkum veðrum.

Út frá umferðarmagni er Sundabraut ekki nauðsynleg, fyrr en ráðist verður í uppbyggingu í Geldinganesi og Álfsnesi.  Vesturlandsvegur er einungis í um hálfum afköstum eins og hann er nú.  Þá er með öllu óvíst hver greiðsluvilji manna er við að borga vegjöld um Sundabraut, sem styttir leiðir og tíma óverulega.

Enn og aftur mæli ég með því að gert verði alvöru umferðarmódel af öllu hofuðborgarsvæðinu með aðstoð erlendra og hlutlausra sérfræðinga í umferðarkerfum borga, þar sem tekið er mið af tæknilegum breytingum í náinni framtíð.  Verði pólitíkin látin ráða í þessu máli eins og undanfarna áratugi, lenda menn bara í nýjum Vaðlaheiðargöngum eða Landeyjahöfn....

Ólafur Guðmundsson.

Til í viðræður um gerð Sundabrautar

Þetta er helmingurinn af því sem þarf á ári næstu 4 ár.

Það er algjörlega ljóst, að 13 km. malbikun í ár er ekki nema helmingurinn af því sem þarf á ári næstu 4 ár.  Þegar viðhald var í jafnvægi fyrir hrun, voru yfir 15 km. malbikaðir á ári hjá Reykjavíkurborg.

Nú er veruleg uppsöfnuð þörf upp á amk. 40 km.  Á hverju ári bætast síðan 15 við.  Þetta ástand er löngu komið yfir hættumörk, bæði hvað varðar umferðaröryggi og göturnar sjálfar, en með þessu eyðileggst undirlagið líka og því verður kostnaður margfaldur við að ná viðunandi ástandi aftur.

Allir sjá þetta, nema núverandi meirihluti í borgarstjórn Reykjavíkur, sem stingur bara höfðinu í holurnar og láta eins og þær séu ekki til.

Þörfin er klárlega um 1.2 milljarðar á ári í 4 ár til að laga það sem nú hefur verið eyðilagt vegna viðhalds- og skilningsleysis....

Ólafur Guðmundsson.

 

Endurnýja tæpa 13 km af malbiki

Til háborinnar skammar....

Það er til háborinnar skammar hvernig þessi erlendi gestur okkar hefur verið kúgaður til að játa á sig sök í þessu máli, til þess eins að komast úr landi og bjarga sínu lífsviðurværi og framtíð.  Maður hefði haldið að það væri meira en nóg fyrir hann að hafa átt aðild að þessu slysi, til viðbótar því að þurfa að sæta ákæru fyrir manndráp.

Ég hef kynnt mér málavexti þessa hörmulega umferðarslyss og tjáð mig um það opinberlega. Margt er við merkingará einbreiðum brúm og annað í tengslum við þetta að athuga. Hvernig reynt er að klína hraðakstri inn í þetta er með hreinum ólíkindum.

Mín niðurstaða er sú, að sú staðreynd að banaslys hlaust af hafi verið algjört slys og tilviljun ráðið því hvernig fór.

Maðurinn er þar með þvingaður til að játa á sig lögbrot til þess eins að fá frelsi.  Þetta er því réttarmorð í mínum huga. 

Hver er eiginlega forsendan fyrir þessu, hverjir eru hagsmunir Íslands og hvað vinnst.  Ekki tökum við það sem gerðist til baka.  Það er ljóst að þessi maður og aðrir honum tengdir koma ekki í skemmtiferð til Íslands.  Hagsmunir Íslands gætu skaðast ef erlendir fjölmiðlar tækju þetta upp og segi frá því hvernig við tökum á okkar gestum sem lenda í hörmulegum slysum.

Það væri nær að biðja þennan mann afsökunar á því hvernig við gestgjafarnir hafa farið með hann. Eitt er ljóst, að afspurn þessarar meðhöndlunar verður ekki til að örva erlenda ferðamenn til þess að aka um Ísland.

Síðan eru ýmis atriði við rannsókn þessa máls, sem orka verulega tvímælis og er full ástæða til að fjalla um þó síðar verði.

Ólafur Guðmundsson.

Var í þvingaðri stöðu til að játa

Ekki mjög trúverðugt......

Mikil óánægja var hjá Slökkviliði höfuðborgarsvæðisins, þegar áform um þrengingu Grensásvegar komu fram fyrir rúmu ári, enda ekkert samráð haft við þá frekar en aðra. Nú hefur aðeins verið krukkað í það sem slökkviliðið fann að, en ekkert hlustað á ábendingar annarra hagsmunaaðila og íbúa.

Nú segist slökkviliðið "una" við þetta.  Það er svo sem ekki skrítið og þarf ekki annað en að lesa fundargerðir stjórnar slökkviliðsins, sem slökkviliðsstjóri þarf að lúta. Formaður stjórnar er borgarstjóri Dagur B. Eggertsson og í fjarveru hans tekur S. Björn Blöndal formaður borgarráðs við stjórnartaumunum.  Báðir eru þeir í forystu þeirra sem vilja allt til vinna til að spilla samgöngumáta mikils meirihluta borgarbúa. Í ljósi þess ber að skoða sinnaskipti slökkviliðsstjóra.

Þessu til viðbótar er gjörsamlega óskiljanlegt að fara í þessa framkvæmd sem EKKERT kallar á að gera núna, eins og fjárhagur Reykjavíkurborgar er.  Taprekstur sem aldrei fyrr og niðurskurður í grunnþjónustu barna og eldri borgara.

Grensásvegurinn á þessum kafla er algjörlega slysalaus á gangandi og hjólandi vegfarendum frá 2007 til 2014.

Einginn veit hversu margir hjóla eða ganga á þessum kafla á Grensásvegi.

Engar rauntalningar á umferð bíla.  Aðeins stuðst við útreikninga og ágiskanir.

Enginn veit hversu margir ganga eða hjóla yfir Grensásveg, né heldur hvar.

Það mætti allveg koma tvöföldum hjólastíg austanmegin við götuna og mjókka miðeyjuna, nokkuð sem leysir þarfir allra á besta veg.  Það var fellt af núverandi meirihluta í fyrra.

Þessu fylgir jafnframt að taka út hægribeygju vasana við Bústaðaveg og auka þar á þær teppur sem eru fyrir.

Af hverju í dauðanum að undirbúa þetta ekki betur, byggt á raunverulegum þörfum, talningum og útfærslum sem eru bæði ódýrari og skynsamari.

Svarið er pólitískar kreddur, réttrúnaður og ofbeldi gagnvart þeim samgöngumáta sem flestir kjósa í Reykjavík.

 

Ólafur Guðmundsson.

Una vel við breytingar á Grensásvegi

Út með fleiri tæki.....

Það er með ólíkindum að vera vitni að þessum aumingjaskap.  20 til 30 tæki.  Er það allt sem Reykjavíkurborg hefur úr að moða til að moka snjó.  Þetta er búið að vera viðkvæðið undanfarin ár.

Einfaldast af öllu er að virkja alla þá verktaka sem eru með tæki, eins og gert var á árum áður þegar svona ástand kom upp.  Vaninn var að þegar snjóatíð kom voru allir kallaðir til og málið leyst með massífum mokstri.  Nú er bara mokað í 101 og á hjólastígum, sem er talið klára málið að mati núverandi borgarstjórnar.

Maður gekk að því sem vísu, að húsagötur í öllum hverfum væru mokaðar á degi 2 til 3.  Nú telur maður það í vikum og tæki sjást ekki eins og hér í Grafarvogi.

 

Ruðningstæki hafa ekki undan