Enn eitt ofstækið...

Nú má ekki mynda á Þingvöllum.  Í fyrra átti að banna umferð ákveðinna bíla um þjóðgarðinn.  Fyrir hverja er þessi "þjóðgarður" eiginlega.  

Ég hef oft á undanförnum árum aðstoðað kvikmyndagerðarfólk við tökur á Íslandi. Þar má nefna aðila eins og BBC, Top Gear, National Geographic, Discovery, Lonely Planet o.fl.  

Einungis í ríkísreknum þjóðgörðum hef ég orðið fyrir andúð við þá vinnu, þ.e. á Þingvöllum og Skaftafelli.  Fjandskapurinn á Þingvöllum hefur orðið til þess að þar hefur ekki verið myndað á mínum vegum frá 2005.  Ef á að fara að rukka til víðbótar við fjandskapinn, mun endanlega taka fyrir að nokkur vilji mynda á þessum stöðum.

Af hverju má ekki auglýsa eða mynda þessa staði.  Allstaðar á landinu eru slík starfsemi boðin velkomin, en eins og fram kemur hjá Álfheiði Ingadóttur er það óheimilt héðan í frá, nema gegn gjaldi til að greiða fyrir ímyndaðar skemmdir.  Tek það skýrt fram að ég eða myndatökufólk á mínum vegum hafa aldrei skemmt Þingvelli eða aðra þá staði sem þeir hafa myndað.  Næst vill Álfheiður örugglega rukka fólk fyrir að anda á þessum heilögu stöðum.

Ólafur Guðmundsson.

 

Rukkað fyrir kvikmyndun á Þingvöllum

Athugasemdir

[Sveinn (IP-tala skráð) 6.4.2013 kl. 11:05]

Við skulum stíga varlega til jarðar og forðast upphrópanir sem engum eru til gagns. Ekki setja málið í þennan farveg. Ég tók eftir því sjálfur á páskadagsmorgunn hvað svæðið er farið að láta á sjá svo um munar. Það er mikill átroðningur þarna og stórsér á landinu t.d í kringu Silfru,Þingvallabæinn og uppi á Hakinu. Mér finnst þetta verulegt áhyggjuefni svo ekki sé minnst á sígarettustubbana í hverri hraungjótunni.  Það þarf að gera róttækar ráðstafanir í sem mestri sátt.

[H.T. Bjarnason (IP-tala skráð) 6.4.2013 kl. 12:20]

En hafa ekki skemmdirnar verið raunverulegar, allavega í tvígang?