Magnað hvað sumir bílar velta....

Þessi frétt sýnir enn og aftur einfaldleikan í umfjöllun á umferðarslysum á Íslandi.  Bílar velta hér og þar.  Það má skilja það svo, að þetta séu bílarnir sem orsaka velturnar.  Aldrei er huganum leitt að raunverulegum orsökum fyrir öllum þessum veltum.

Bílar eru nú yfirlett frekar tregir til að velta einir og sér.  Þeir skrensa, renna snúast o.s.frv.  Það á meira og minna við allar gerðir, þar með talið jeppa og flutningabíla.

Miðað við myndirnar af þessu atviki, skín í gegn hvað raunverulega á hér hlut að máli.  Það er fláinn fram af veginum, kanturinn sem brotnar niður undan þunga bílsins og síðan umhverfið.  Bíllinn er því að litlu leiti orsakavaldurinn heldur vegurinn.

Þessi bíll er skv. öllum Evrópureglum um gerð, búnað og þyngd.  Ökumaðurinn með viðurkennt ökuskírteini og allt samkvæmt tilskipunum, reglum og lögum. Það eina sem ekki er samkvæmt Evrópureglum er vegurinn og umhverfi hans.  Svona sér maður ekki erlendis.

Það má örugglega segja að ökumaðurinn hafi gert mistök með því að fara of utarlega og átta sig ekki á því hversu lélegur vegurinn og kannturinn væri á þessum stað, en ábyrgð veghaldara hér er síst ofmetinn og ökumaðurinn látinn taka skellinn ásamt bílnum.  Það er allavega það sem fréttaflutningurinn ber með sér.

Ólafur Guðmundsson.

 

Umferð hleypt um eina akrein

Athugasemdir

[Sverrir Einarsson, 24.5.2015 kl. 13:40]

Enda er vegur "bara vegur" í augum margra og sumra þeirra sem stjórna hjá vegagerðinni, bikun á vegi er boðin út, tekið lægsta tilboði síðan er ekkert eftir lit með hvernig staðið er að verki, stundum eru bara unglingar að vinna við sumar malbikunarvélarnar og hafa ekkert vit á hvað þeir eru að gera, bara sýnd nokkur handtök sem þeir eiga að gera, ætla ekki að fara út í undirvinnu á vegstæðum á Íslandi sem er sér kapituli útaf fyrir sig. Læt þetta duga enda 150% sammála þér.