Það eru nú ekki bara naglarnir....

Það virðist lenska að æpa alltaf á þá sem kjósa eða þurfa að nota nagladekk í hvert skipti sem menn ræða svifryk og slit á götum.  Vissulega eiga þeir sinn þátt í þessu en margt fleira kemur til sem menn líta aldrei á eða viðurkenna.

Ég leyfi mér að efast um fullyrðingu borgarstjóra um að nagladekk á fólksbílum slíti götum hundraðfalt meira en önnur dekk.  Bið borgarstjóra um að skoða fleiri þætti eins og lélegt efni í malbikinu, sem er grágrýti úr malargryfjum borgarinnar en ekki kvartz eða harðari efni. 

Þá væri líka ekki úr vegi að þrífa göturnar með háþrýstiþvotti eins og aðar borgir gera.  Svifrykið þyrlast ekki upp vegna naglanna, heldur vegna þess að það er til staðat í holum og köntum og það eru stóru bílarnir, t.d. strætó sem þyrla rykinu upp.   Alvöu þrif á götunum myndu koma í veg fyrir það.

Ég er aftur á móti sammála því að það er óþarfi að aka á nagladekkjum miðað við núverandi tíðarfar og menn ættu að drífa sig í að skipta yfir á sumardekk.  Reyndar eru nútíma vetrardekk orðin svo góð, að naglar eru nánast óþarfir hér á suðvestur horni landsins.

Það er því óþarfi hjá borgarstjóra að pirra sig of mikið yfir því sem aðrir gera,  þegar það er mun meira sem hann getur gert til að koma í veg fyrir svifryk sjálfur.  Væri nær að pirra sig yfir því.....

 Ólafur Guðmundsson.

Nagladekk pirra borgarstjórann

Slitnar götur og vatnsagi í hjólförunum.

Skildi þó ekki vera að bíllinn hafi flotið upp í vatnsrásunum á götunni.  Svona BMW er á breiðum dekkjum, sérstaklega að aftan.  Ef mikið vatn er í slitrásunum á malbikinu, er mjög hætt við að bíllinn fljóti upp og þá er voðinn vís.

Var að setja Bensan hjá konunni á sumardekkin í morgunn, en þau eru "low profile" og nokkuð breið.  Bíllinn er út um alla götu þar sem rásirnar eru.  Bíð ekki í þetta í bleytu eins og var þarna.  Bifhjólafólk á við sama vandamál að stríða.

Viðhald á götum höfuðborgarsvæðisins er mjög ábótavant, eins og áður hefur komið fram.  Yfirborðsmerkingar horfnar og rásir komnar í gegnum slitlagið sumstaðar og niður í burðarlagið.  Maður sér ekki svona slitnar götur í öðrum löndum og Reykjavík er verst.

Ólafur Guðmundsson.

Ók bifreið sinni á strætóskýli

Enn eitt ofstækið...

Nú má ekki mynda á Þingvöllum.  Í fyrra átti að banna umferð ákveðinna bíla um þjóðgarðinn.  Fyrir hverja er þessi "þjóðgarður" eiginlega.  

Ég hef oft á undanförnum árum aðstoðað kvikmyndagerðarfólk við tökur á Íslandi. Þar má nefna aðila eins og BBC, Top Gear, National Geographic, Discovery, Lonely Planet o.fl.  

Einungis í ríkísreknum þjóðgörðum hef ég orðið fyrir andúð við þá vinnu, þ.e. á Þingvöllum og Skaftafelli.  Fjandskapurinn á Þingvöllum hefur orðið til þess að þar hefur ekki verið myndað á mínum vegum frá 2005.  Ef á að fara að rukka til víðbótar við fjandskapinn, mun endanlega taka fyrir að nokkur vilji mynda á þessum stöðum.

Af hverju má ekki auglýsa eða mynda þessa staði.  Allstaðar á landinu eru slík starfsemi boðin velkomin, en eins og fram kemur hjá Álfheiði Ingadóttur er það óheimilt héðan í frá, nema gegn gjaldi til að greiða fyrir ímyndaðar skemmdir.  Tek það skýrt fram að ég eða myndatökufólk á mínum vegum hafa aldrei skemmt Þingvelli eða aðra þá staði sem þeir hafa myndað.  Næst vill Álfheiður örugglega rukka fólk fyrir að anda á þessum heilögu stöðum.

Ólafur Guðmundsson.

 

Rukkað fyrir kvikmyndun á Þingvöllum

Eru menn orðnir stjörnugeggjaðir....

Þessi minnisvarði yfir Elliðaárnar á Geirsnefi er hreint ótrúlegur.  Af hverju er ekki hægt að gera tvær stuttar hjólabrýr og 385 metra stíg fyrir verulega minni fjárhæð. 

230 milljónir fyrir 385 metra hjóla- og göngustíg er hvorki meira né minna en 597.000 krónur á hvern metra.  Það er meira en hver meter af tvöföldun Reykjanesbrautarinnar hefur kostað á þeim 24 km. sem hafa verið tvöfaldaðir, með 6 mislægum gatnamótum inniföldum.  Maður gæti haldið að þessar hjólabrýr væru gullhúðaðar með demantaskrauti.

Þessu verki á að vera lokið í ágúst á þessu ári.  Upphaflegt samkomulag Reykjavíkurborgar og Vegagerðarinnar við þessa framkvæmd voru 120 miljónir, sem skiptust jafnt á milli aðila.  Sú tala hafði þá rúmlega tvöfaldast frá fyrstu hugmyndum, sem voru u.þ.b. 50 milljónir, sem er nokkuð sem mætti kalla eðlilegt fyrir svona framkvæmd.  Nú er þetta næstum fimmfalt.  Fram kemur í þessari frétt að í fjárhagsáætlun Reykjavíkurbograr er gert ráð fyrir 60 milljónum á þessu ári.  Hver á að borga mismuninn upp á 110 milljónir?

Lærðum við ekkert á hruninu eða hvað....

 

Styttir leiðina um tæpan kílómetra

Sukkið í Orkuveitunni

Væri nú ekki rétt að halda til haga, að mjög margir vöruðu við því hvert stefndi varðndi rekstur Orkuveitunnar.  Þetta var mjög traust fyrirtæki sem skuldaði lítið sem ekkert, byggt á grunni vel rekinna fyrirtækja, sem voru Hitaveitan, Vatnsveitan og Rafmagnsveita Reykjavíkur.

"R" listinn tók við rekstri þeirra í Orkuveitunni og þá um leið fór spillingin og hrun fyrirtækisins af stað.  Bygging hallarinnar og garðsins í Ártúnsholti og síðan hver klikkaða fjárfestingin á fætur annarri.  Uppkaup á ónýtum hitaveitum um allt suðvesturhornið, rækjueldi, landakaup og svo mætti lengi telja, fyrir utan allt bruðlið í veislum og utanlandsferðum.  Það að koma þessu fyrirtæki í þessa stöðu er afrek í sjálfu sér, sem ég held að fáum gæti tekist.   Gleymum ALDREI að "R" listinn samanstóð af Samfylkingu, VG og Framsóknarflokki að grunni til.

Þetta sýnir betur en allt annað, að það að láta misvitra pólitíkusa sjá um og reka sameign þjóðarinnar eins og vatns og hitaréttindin eru, kann ekki góðri lukku að stýra.  Því ættum við að læra af reynslunni og láta pólitíkusa og embættismenn sem minnst koma að rekstri grunnatvinnuvega okkar eins og sjávarútvegs og orkuveitna.

Málefini og staða Orkuveitunnar verður til langrar framtíðar minnismerki um spillinguna og vanhæfnina sem hér viðgengst, þó svo að fjölmiðlamenn sjái það ekki eins og fréttaflutningurinn af þessum málum sýnir til margra ára.

Lærum af þessu og hruninu!!!

 

Erfitt að vera leiðinlegi maðurinn

Fjöldi svona skilta um allt land

Það er allveg ljóst að ekkert eftirit hefur verið með uppsetningu skilta árum saman. Undirritaður hefur verið að gera EuroRAP öryggisúttektir á íslenska vegakerfinu undanfarin ár og marg oft bent á rangar uppsetningar skilta.

Því miður er lítið um úrbætur, nema slys hafi átt sér stað eða þá að nægilega mikið birtist um þetta í fjölmiðlum eins og núna og fyrir skömmu, þegar Ómar Ragnarsson átti hlut að máli við Skeiðavegamót. Þá var skiltið flutt, en skyggir þó ennþá á útsýni við ákveðnar aðstæður.

Þeð er léleg afsökun að kenna staðarhaldaranum í Munaðarnesi um þetta. Vegagerðin á að hafa eftirlit og umsjón með þessu. Ef þeir ætla að taka þetta skilti niður í dag, þá gætu þeir í leiðinni tekið niður og fært fjölda annara milli Borgarness og Bifrastar, en það er fullt af svona skilta á þeirri leið.

Viðbrögð vantar ekki ef um er að ræða skilti á vegum einkaaðila, en skilti og merki opinberra aðila fá að standa, þó svo að þau séu hættuleg og án leyfa. Nægir þar að nefna steinstólpann með merki Hafnarfjarðar, sem er við Reykjanesbrautina í öryggissvæði vegarins og nýuppsett merki Kópavogs fyrir ofan Sandskeið.

Ólafur Guðmundsson.

Skiltið án heimildar

Svartur dagur í umferðaröryggi á Íslandi.

Í upphafi voru Vaðlaheiðargöng inni í samgönguáætlun sem ríkisframkvæmd eins og allar aðrar úrbætur á vegakerfinu. Þar voru þau ekki fremst í röðinni, þegar samanburður var gerður um mikilvægi, hagkvæmni, umferðaröryggi o.fl.
Þar sem það var ekki nóg, var reynt að finna þeim tilverurétt, með því að fara með þau í "Einkaframkvæmd" og fjármagna þau með lánsfé, sem endurgreitt yrði með veggjöldum.

Á þeim forsendum og sem algjört skilyrði voru lög 97/2010 samþykkt á Alþingi. Leitað var eftir fjármögnun hjá lífeyrissjóðunum, en það rann út í sandinn vegna vaxtakjara og áhættumats lífeyrissjóðanna á að veggjöld gætu staðið undir framkvæmdinni.

Í fjáraukalögum 2011 var samþykkt heimild til lántöku og ríkisábyrgð fyrir Vaðlaheiðargöng að upphæð 1 miljarð króna. Sú samþykkt var skilyrt því að göngin væru algjörlega sjálfbær og veggjöld myndu standa undir framkvæmdinni, skv. Lögum 97/2010.

Miklar efasemdir hafa verið uppi um forsendur og hagkvæmni Vaðlaheiðarganga. Umhverfis og samgöngunefnd skoðaði málið mjög vel og samþykkti að óska efitr óháðu mati á forsendum framkvæmdarinnar. Því var hafnað og slíkt mat hefur ekki frarið fram. Fjármálaráðuneytið lét vinna IFS skýrsluna, Pálmi Kristinsson gerði sína eigin, FÍB hefur gert ýmsar kannanir auk fleiri aðila. Við þetta hafa efasemdirnar bara aukist.

Þegar hefur Vegagerðin lagt út í kostnað vegna þessa verkefnis upp á hundruðir milljóna króna, þó svo að ekki hafi verið ákveðið að fara út í Vaðlaheiðargöng á þessum forsendum. Það er án fjárheimilda.

Nú var fjármálaráðherra að leggja fram frumvarp, þar sem ríkið á ekki aðeins að veita ríkisábyrgð fyrir öllu verkinu, 8.7 miljarða án VSK, miðað við verðlag í lok árs 2011, heldur einnig að lána og leggja til hverja einustu krónu í verkefnið til hlutafélagsins Vaðlaheiðargöng hf. Veð er einungis félagið sjálft, eignir þess og væntanlegt tekjustreymi. Fram kemur í gögnum með frumvarpinu, að innborgað hlutafé þessa félags eru 20 milljónir króna. Að megninu til er um að ræða opinbert fé. Heimilt er að auka hlutaféð í 600 milljónir, en það hefur ekki tekist. Búið er að safna einhverjum hlutafjárloforðum sveitarfélaga á svæðinu, sem ætlunin er að greiða á næstu árum og þá að sjálfsögðu með opinberu fé. Forsendur þess að kalla þett "Einkaframkvæmd" eru því engar. Þetta er hrein og klár opinber framkvæmd, þ.e. "Ríkisframkvæmd". Fálm í þá átt að finna þessu nýyrðið "Eiginframkvæmd" eins og Vegagerðin krafsaði í bakkan með á vefsíðu sinni eru nánast hlægilegar.

Því til viðbótar á að falla frá lögum um ríkisábyrgðir, sem einnig eiga við um lánveitingar ríkissjóðs, er óheimilt er að lána meira en nemur 75% af heildar ánsfjárþörf verkefnis og lánþeginn þrufi að leggja fram, amk. 20% af heildarfjárþörf verkefnisins. Takist Vaðlaheiðargöngum hf. að leggja fram 600 miljónir er það innan við 7% og miðað við innborgað hlutafé í dag er það 0.22%. Hvað varðar heildar viðmiðið 75% næst það ekki því hér er um að ræða 100% lán ríkisins. Hvaðan eiga þessar krónur að koma??? Heilbrigðismálum, umönnun aldraðra, menntamálum eða samgönguáætlun og þar með stöðva þar með og tefja aðrar mun mikilvægari framkvæmdir. Kanski á bara að prenta þessa peninga þetta með nýjum 10.000 króna seðli, eða draga upp úr götóttum vösum á nýju fötum keisarans.....

Í gögnum með frumvarpinu kemur fram, m.a. frá Ríkisábyrgðasjóði og fjármálaráðuneytinu að Vaðlaheiðargöng uppfylli enganvegin skilgreiningu á "Einkaframkvæmd" heldur sé algjörlega orðin "Ríkisframkvæmd". Mikil óvissa fylgi verkefninu og því mælt með því að Vaðlaheiðargöng verði sett aftur inn í samgönguáætlun eins og hver önnur ríkisframkvæmd í samgöngumálum.

Eitt dæmi er á Íslandi um "Einkaframkvæmd" í jarðgangnagerð, sem eru Hvalfjarðargöngin í eign og reksti Spalar ehf. Sú framkvæmd var fjármögnuð algjörlega á frjálsum markaði, án aðkomu ríkisins á nokkurn hátt og ekki með ríkisábyrgð. Áhætta ríkisins af þeirri framkvæmd var ENGIN. Bygging og rekstur Hvalfjarðarganga fór algjörlega samkvæmt áhætlun. Þau eru nokkuð styttri en Vaðlaheiðargöng, sem auk þess eru með 1/5 af umferðarmagni Hvalfjarðarganga. Algjörlega hefur verið skautað framhjá því að nýta reynslu Spalar ehf. hvað varðar undirbúning Vaðlaheiðarganga.

Þá er rétt að nefna, að verulega virðist skorta á í rekstraráætlun VHG, þar sem reksturinn er talinn kosta um 70 milljónir á ári, meðan rekstur Hvalfjarðarganga margfalt meiri, eða um 250 milljónir á ári. Í því sambandi má m.a. nefna vátryggingar, sem hlutafélögum ber að taka vegna vegna ábyrgðartrygginga, eigin tjóns og rekstrarstöðvunar. Það gerir Spölur vegna Hvalfjarðarganga upp á tugi milljóna á ári, en Vaðlaheiði hf. sleppir í öllum sínum rekstraráætlunum.

Ekkert er rætt um jarðfræðirannsóknir á Vaðlaheiði og hvaða hættur gætu leynst á því sviði. Það litla sem ég hef fundið um það efni er nú ekki glæsilegt. Í stöðuskýrslu Jarðfræðistofunnar ehf. frá 2006 er sagt að berglögin í Vaðlaheiði séu "ókræsileg" til jarðgangagerðar. Mikið er af setlögum, sprungur ganga þvert á göngin, gunnvatnsstaða sé há og því megi gera ráð fyrir miklum leka og öðrum vandræðum við gerð Vaðlaheiðarganga. Engin umræða, eða nánari rannsóknir finnast um þetta efni, sem þó er ein af grunnforsendum við gerð jarðganga og getur haft veruleg áhrif á kostnað.

Af öllu framansögðu og í samræmi við samþykkt Umhverfis og samgöngunefndar ætti því að setja Vaðlaheiðargöng aftur í samgönguáætlun eins og aðrar samgönguframkvæmdir. Áhætta ríkissjóðs við þessar æfingar er alltof mikil og allar forsendur fyrri samþykkta alþingis algjörlega brostnar.
Hér fyrir neðan er yfirlit yfir þau rök og rangfærslur sem haldið hefur verið fram af talsmönnum Vaðlaheiðarganga.

Hver eru rökin fyrir Vaðlaheiðargöngum.

Haldið fram af KLM, SJS, SER, HÞ og Vaðlaheiðarbandalaginu.
Samantekt á staðreyndum.
Hér að neðan er samantekt yfir helstu fullyrðingar og ástæður sem talsmenn Vaðlaheiðarganga hafa haldið á lofti. Fæstar þeirra halda vatni eða eru beinlínis rangar.

1. Gífurleg samgöngubót - RANGT
a. Margar brýnni, t.d. Vestfirðir, Norðfjarðargöng, Suðurlandsvegur og margt fleira. Víkurskarð er langt frá því að vera slæmur vegur.
b. Ekki mikið um lokanir. Margir fjallvegir verri á vegi 1 og víðar, t.d. Hellisheiði, Holtavörðuheiði, Öxnadalsheiði, Ljósavatnsskarð o.fl.

2. Veruleg stytting hringvegarins - RANGT
a. 16 km stytting í vegalengd á hringveginum.
b. 8 mínútur í tíma. (Mælt á EuroRAP bílnum)
c. T.d. Norðfjarðargöng er álíka stytting í tíma og aðrir kostir í Eyjafirði gætu skilað meiri styttingu (Eyjafjarðargöng). Stytting vegna Hvalfjarðarganga er 41 km. og Fáskrúðsfjarðarganga tæpir 35 km.
d. Mun meiri stytting hringvegarins möguleg, t.d. Öxi, þverun Berufjarðar, Svínavatnsleið í Húnavatnssýslu o.fl..

3. Byggðaþróunarmál vegna sameiginlegs atvinnusvæðis "RANGT - ÓLJÓST"
a. Akureyri og Húsavík verða tæplega eitt atvinnusvæði, þar sem of langt er á milli. 53 km. Í loftlínu og 91 km. í vegalengd. Þrátt fyrir tilkomu Vaðlaheiðarganga er vegalendin 75 km. Sem er of mikið fyrir eitt atvinnusvæði. Stytting á þessari leið er því óveruleg með tilkomu ganganna, hvort sem í tíma eða vegalengd. Talið er að 50 km. vegalengd sé hámark fyrir eitt atvinnusvæði.
b. Miðað við 10 lítra meðaleyðslu, væri bara eldsneytiskostnaður um 4000,00 krónur á dag milli Akureyrar og Húsavíkur. Við það bætist kostnaður við að aka um göngin, þannig að heildar kostnaður gæti verið um 6.000,00 krónur á dag, eða yfir 120.000,00 á mánuði. Þá þarf að hafa í huga aksturstíma upp á um 2 klukkustundir á dag.
c. Mun nauðsynlegra að gera úrbætur á vegi 85 til Húsavíkur, sem er að mestu 2 stjörnu vegur, meðan Víkurskarð er með 3 stjörnur skv. EuroRAP. Aðrir vegir á svæðinu sem Vaðlaheiðargöng leysa ekki af hólmi eru 2 stjörnu, svo sem Ljósavatnsskarð, Grenivíkurvegur, Ólafsfjarðarvegur og austanverður Eyjafjörður.
d. Fjárhagslegur vinningur vegfarenda er enginn. Sparnaður í eldsneyti við að fara Vaðlaheiðargöng í samanburði við að aka Víkurskarð er enginn. Með fyrirhugðu veggjaldi verður mun dýrara að aka göngin en að fara Víkurskarð. Í Hvalfjarðargöngum er þessu öfugt farið. Það er fjárhaslegur ávinningur að fara göngin og jafnvel hagnaður ef um eyðslumikla bíla er að ræða. Auk þess er verulegur tímasparnaður af Hvalfjarðargöngum, 31 mínúta, á móti 8 mínútum með Vaðlaheiðargöngum. (Sjá töflu)

4. Einhver mesta umferðaröryggisbót landsins (KLM - HÞ) "RANGT".
a. Víkurskarð er í 98. sæti yfir áhættumestu vegi landsins.
b. Víkurskarð er ekki í topp 10 yfir slysamestu vegi landsins.
c. Víkurskarð er ekki einn af slysamestu vegköflum á norðurlandi.
d. Á 8 ára tímabili eru 3 alvarleg slys í Víkurskarði. Á sama tímabili eru 17 alvarleg slys og banaslys á Hellisheiði á vegi 1. Hættulegri kaflar í Eyjafirði, sem göngin leysa ekki af hólmi.
e. Vegurinn um Oddskarð er með sömu slysasögu og Víkurskarð. Umferð á Oddskarði er rúmlega tvöfallt minni. Því eru vegabætur á Oddskarði með Norðfjarðargöngum tvöfallt mikilvægari en Vaðlaheiðargöng útfrá slysasögu.
 

f. Hér er slysastaða Víkursskarðs á 20 ára tímabili miðað við landið:
1991 - 2010 Banasl. Alvarl.sl Lítil m. Samtals
Landið 361 3273 15716 19350
Víkurskarð 1 6 17 24

Af heild % 0,28 0,18 0,11 0,12

Höskuldur Þórhallsson alþingismaður hélt því fram á Bylgjunni að þetta banaslys hafi orðið vegna hálku og þess hve Víkurskarð er hættulegur fjallvegur. Þetta slys varð í lok júní og sannleikurinn er sá, að vegurinn og umhverfi hans hafði ekkert með þetta slys að gera. Orsökin var bilun í ökutæki, beltaleysi og farmur sem losnaði.

5. Atvinnusköpunarmál í kreppu - "RANGT"
a. Þetta verður unnið af erlendu vinnuafli að miklu leiti. Það var reyndin með Héðinsfjarðargöng og Bolungarvíkurgöng.
b. Mikið gjaldeyrisútstreymi – erlendir verktakar. Þetta þyrfti að taka saman sérstaklega og skoða í síðustu göngum til samanburðar.
c. Önnur miklu mannaflsfrekari innlend verkefni fyrir hendi.

6. Gamalt loforð næst á eftir Héðinsfjarðargöngum "Hver gaf það"
a. Skiptimynt fyrir kjördæmabreytinguna.
b. Svoleiðis vinnubrögðum átti að ljúka eftir hrunið og þó fyrr hefði verið.

7. Góðu lagi að taka áhættu vegna þessa máls (SJS) "Hrunið hvað"?
a. Allir sem segja annað vilja ekki taka ánættu.
b. Langur undirbúningur.
c. Of seint að stoppa núna, o.s.frv.
d. Þeir sem gagnrýna, eiga að sýna fram á ástæður.
e. Engin framþróun, nema að taka áhættu.
f. Samanburður við Hörpuna. Þar var tekin áhætta..... Enda er endalaus fjárþörf þar. Miljarður á ári frá ríkinu og annað eins frá Reykjavíkurborg. Hof er annað dæmi sem er að sliga Akureyrarbæ.

8. Tekjur ríkisins eftir að rekstur hefst - "Neikvæðar"
Niðurstaða úr yfirliti fjármálaráðuneytisins vegna Vaðlaheiðarganga, sem fylgir frumvarpinu er: "Að framansögðu eru samandregin áhrif Vaðlaheiðarganga á tekjur ríkissjóð eftir að rekstur þeirra er hafinn talin vera neikvæð um sem nemur nálægt 50 m.kr. á ári" (Undanþegið sköttum 7% útskattur 25.5% innskattur).

Höfum við virkilega ekkert lært á hruninu!!!

Ólafur Guðmundsson.

Vaðlaheiðargöng fá grænt ljós