Boston, Harward og Reykjavík. Hver er fréttin....

Ég vona innilega að Gísli muni læra eitthvað uppbyggilegra í Boston en hann gerði á kostnað okkar Reykvíkinga í Edinborg. 

Því til viðbótar mætti RÚV skoða hvernig fjármunum þeirrar stofnunar væri betur varið enn í námsferðir starfsmanna.

Gísli komst inn í Harvard

Borgarhönnuðurinn segir allt sem segja þarf....

Fækkun á bílastæðum úr 86 í 36 við götuna gerir bara það að verkum að þeim sem eiga skammtíma erindi er gefið langt nef og vísað í burt.  Nógu slæmt var þetta fyrir.

Umferðarmagnið í Borgartúni var þegar komið upp fyrir þau mörk sem 1+1 gata þolir miðað við þann lága hraða og takmarkaða afkastagetu vegna innkeyrslna var fyrir.   Á þjóðvegum með 90 km. hámarkshraða og fulla afkastagetu er talið nauðsynlegt að uppfæra í 2+1 þegar umferðarmagnið er komið í 15.000 bíla á sólahring.  Borgartúnið er með 17.000 skv. upplýsingum borgarhannaðarins og því löngu sprungið fyrir þrengingarnar og núverandi "úrbætur" með ljósastaurum sem snúa öfugt.

Markmiðið er því greinilega að þröngva umferð þeirra borgarbúa sem eiga erindi eða stunda vinnu við Borgartún í burtu.  Hver ástæðan er, kemur ekki fram og er til efs að nokkur vitið það.  Meira að segja Strætó er notaður sem hindrun í götunni fyrir umferð miklu fleiri notenda, eins og tölurnar sýna.

Hér er einver óskylgreind "fegurð" látin ráða för, sem rekin ef af fordómum, forræðishyggju og hatri á þeim sem nota fjölskyldubílinn sem samgöngumáta.  Árangurinn er einungis sá, að menn leita annað, hvort sem er í göturnar í kring, nú eða bara í nágranasveitarfélögin, þar sem atvinnustarfsemi er velkomin. 

Dropa úr hafinu breytt í hjólastíga

Hvað með umferðarmálin?

Menn ætla að gera sömu mistökin enn og aftur sýnist mér.  Ekki orð um hvernig umferðarmálin á þessu svæði eiga að ganga fyrir sig.  Gatnakerfið við og kringum þessi áform virðist óbreytt, en það er sprungið nú þegar, þó ekki sé nema vegna Háskólans í Reykjavík og umferð í Nauthólsvík.

Það eru engin áform um breytingar á gatnakerfinu í tengslum við þessi áform og enn á eftir að sjá hvaða áhrif hugsanlegur nýr Landsspítali hefur á umferðarkerfi svæðisins.  Sama á við um hugsanlega aukningu á umferð vegna meiri umfanga hjá Val með nýu knattspyrnuhúsi.

 Áður en lengra er haldið verður að leysa umferðarmálin á vitrænan og faglegan hátt.   Til þess þarf að gera alvöru umferðarmódel af svæðinu, nokkuð sem á að vera forsenda fyrir áformum af þessu tagi.

Lærum af fyrri glappaskotum í umferðarmálum Reykjavíkur og hugum að þessu áður en vandræðin skapast, sem þá verður erfitt og dýrt að leysa.  Nóg er af umferðarvandræðum og slysum á þessu svæði við Bústaðaveg, Flugvallarveg, Hringbraut, Miklubraut og Hlíðarnar.

Ólafur Guðmundsson.

 

Mun gjörbreyta fjárhag Vals

Hvernig væri að klára Reykjanesbrautina fyrst.

Umræða um lestarsamgöngur við Keflavíkurflugvöll er ekki ný.  Þetta hefur  verið skoðað áður og alltaf með sömu niðurstöðu.  Þetta er alltof dýrt og ekki nægilegur fólksfjöldi sem myndi nýta þetta til að hagkvæmni náist.  Sem sagt dauðadæmt.  Uppbygging lestarkerfis er ákaflega dýr og t.d. er það nánast að ríða Kaupmannahöfn að fullu að koma slíku kerfi á, þar sem fólksfjöldinn er miklu meiri en hér á suðvestur horninu.

Væri ekki nær að ljúka við það sem við höfum þegar ákveðið og er fyrirséð að dugar næstu áratugina.  Þar  er átt við tvöföldun Reykjanesbrautar, sem hófst fyrir rúmum 10 árum og er enn hálfklárað verk.  Enn er eftir að ljúka þeirri framkvæmd til beggja enda, þ.e. frá Hvassahrauni, gegnum Hafnarfjörð og til Reykjavíkur, en einnig frá Fitjum upp að flugstöð Leifs Eiríkssonar, ásamt tenginum við Reykjanesbæ. Þessu til viðbótar er eftir að ganga frá öryggisþáttum vegarins, svo sem vegriðum milli akreina, ljósastaurum, upplýsingaskiltum og eftirliti.

Ef þetta væri klárað, mætti auka hámarkshraðann á Reykjanesbraut í 120 og jafnvel 130 km/klst. og þar með væri ferðatíminn milli Reykjavíkur og flugstöðvarinnar kominn niður í c.a. 20 mínútur.  Ferð frá t.d. Mjóddinni sem er nálægt miðpunkti höfuðborgarsvæðisins og til Reykjanesbæjar væri þá komin í 15 mínútur eða svo.   Umferðarmagnið á þessari leið í dag eru uþb. 10.000 bílar á sólahring að meðaltali.  Fullkláruð Reykjanesbraut mun auðveldlega anna 60.000 bílum.

Mun nær væri að rafvæða almenninssamgöngur á þessari leið, sem og flugrútuna, heldur en að fara í rándýra lestarframkvæmd, sem aldrei mun borga sig og miðað við fyrri reynslu, sennilega seint verða klárað svo viðhlýtandi sé.  Þess utan, höfum við Íslendingar enga reynslu af rekstri lestarkerfa og eigum fullt í fangi með vegakerfið, þannig að ég held að það sé ekki gott ráð að auka á það flækustig.

Með öðrum orðum, þá held ég að þetta sé ekki tímabært og nær að klára það sem við höfum þegar ákveðið og byrjað á.  Síðan má skoða aðra kosti, en það er eki mál málanna núna.

Borgin skoðar háhraðalest

Reykjavíkurborg sjálf aðal sökudólgurinn....

Hér er ég algjörlega sammála vini mínum Ómari Ragnarssyni, auk þess að styðja Kjartan Magnússon í að þetta verði skoðað í þaula.

Málið er það, að við höfum notað mjög léleg efni í malbik í Reykjavík til margra ára.  Ástæðan er sú, að borgin rekur eigin malbikunarstöð, sem sækir megnið af sínu efni í eigin malarnámur í nágreni Reykjavíkur.  Þar er ekki spurt um gæði, heldur hvernig billegast er sloppið frá því að malbika götur.  Það efni er alltof mjúkt og brotkennt, enda ungt berg, fullt af holum sem safna vatni, frýs og molnar.

Auk þess, þá malbikum við miklu þynnra en aðrar þjóðir og mér er sagt rangt bik sé notað sem bindiefni.  Við notum ódýrt bik sem auðvelt er að leggja, en ekki það bik sem við ættum að nota fyrir okkar köldu og röku aðstæður það sést m.a. á því að  malbikið hér skríður undan þunga meir en annarsstaðar, t.d. á bílastæðum og við bílalúgur, þar sem bílar stoppa, en einnig á strætóstoppistöðvum og sérreinum strætó, enda þótt strætó aki ekki á nöglum.

Það eru til hér yfir 40 ára gamlir steyptir vegir eins og upp í Kollafjörð.  Minna slit er á honum en á tveggja ára malbikuðum götum í Reykjavík. Sem dæmi má nefna að vegir sem eru malbikaðir með innfluttum alvöru efnum eins og norsku kvartz slitna miklu minna.  Það á einnig við um Hvalfjarðargöng, þar sem ekki hefur verið malbikað frá því að göngin opnuðu og slit ekki mikið, þó svo að þar sé ekið um á nöglum.  Bleytan er reyndar minni, en álagið það sama, auk þess að undirlag er afar gott, enda berggrunnur og því almennilegt undirlag.

Erlendis sér maður ekki rásað og gauðslytið malbik eins og hér við svipaðar aðstæður, þannig að maður hlýtur að draga þá ályktun að eitthvað sé verulega að í lagningu á malbiki í Reykjavík og á Íslandi.

Í ljósi þess að hér er svifryk og götur slitna mikið, þá er með ólíkindum að menn skuli ekki vinna gegn menguninni með því að þrífa göturnar með háþrýstiþvotti.  Slíkt sést ekki hér.  Í besta falli eru götur sópaðar einusinni á ári, þar sem rykinu er þyrlað upp, eða reynt að líma það niður með saltpækli eða öðru gumsi, sem gerir lítið annað en að drepa allan gróður í nágreninu og breytast síðan í meira svifryk.

Erlendis þar sem ég þekki til, eru götur þrifnar með reglulegu og þéttu millibili með háþrýstiþvotti þegar þiðnar.  Þar sem slíkt er gert sést ekki svifryk.

Að lokum er rétt að geta þess, að þróun í nagladekkjum og öðrum aðferðum til að ná fram gripi í hálku hefur þróast mjög mikið undanfarin ár.  Nagladekk eru miklu betri í dag en  fyrir nokrum árum, með betri tækni í dekkjum, léttari og færri nöglum ásamt fleiri atriðum.

Ég held að menn ættu að líta sér nær og horfa á þetta raunsætt með lausnir í huga, í stað þess að kenna nagladekkjum um allt og sjá einu lausnirnar í bönnum og skattlagningu.

 Ólafur Kr. Guðmundsson.

 

Vilja malbik út fyrir steypu

Sama og Vaðlaheiðargöng

Eyþing er aðalhluthafinn í Vaðlaheiðargöngum hf. og forsvarsmenn þess dæmis, sem aldrei mun ganga upp, frekar en niðurgreiddar strætóferðir. 

Þetta sýnir bara og sannar hversu vonlaus svona opinber rekstur er, þar sem pólitík er látin ráða frekar en skynsemin og fagleg nálgun....

 

Greiðsluþrot fyrir norðan

Hvað með öryggisstaðla

Það er nú gott og blessað að skoða ljósastaura út frá álagi í vindum og fleira, en hvað með öryggisprófanir.

Ljósastaurar eiga að standast öryggisstaðal sem er kallaður EN 12767, en því miður gera fæstir þeirra það, enda Íslenskt mix, sem aldrei hafa verið viðurkenndir samkvæmt því sem á að gera.

Það væri því nær að taka þessa staura út miðað við öryggi heldur en einhver ímynduð endingarviðmið, til þess eins að spara krónur á kostnað öryggis.

 

Þrautreyndir ljósastaurar

Kostnaðurinn dropi í hafið...

Vissulega er kostnaður við þessar fádæma breytingar á Hofsvallagötu hár og utan alls velsæmis.  Eins og réttilega hefur berið bennt á, forðast allir pólitíkusarnir að bera ábyrgð á honum og reyna að smyrja þessu á embættismennina.

Þetta er samt ekkert miðað við sóunina sem verið er að gera á öðrum stöðum í borginni, eins og Snorrabraut, Borgartúni og Hverfisgötu, svo  ekki sé talað um þá endemis vitleysu sem verið er að sturta peningum ríkis og borgar í við Elliðaárósa, þ.e. hjólabrýrnar yfir Geirsnef.  Kostnaðurinn þar er áætlaður 230 milljónir króna í 385 metra langan hjólastíg, með pýramidum sem hafa ekkert með burðarvirki að gera á 30 metra löngum brúm.  Þetta er einungis arkitektaflipp.

Ef maður setur þetta í samhengi, þá kostar hver meter af þessum hjólastíg 597 þúsund, sem er meira en hver meter af tvöföldun Reykjanesbrautar með mislægum gatnamótum og öllu.  Hver kílómeter myndi því kosta  meira en hálfan miljarð.  Síðan eru menn farnir að láta sig dreyma um hjólabrú yfir Fossvog fyrir enn hærri fjárhæð, eða yfir 1000 milljónir, bara til að leika sér....

Það er eins og sumir séu ekki búinir að uppgötva, að það varð hér hrun 2008 og menn verða að hætta svona sóun og rugli.

 

Ólafur Guðmundsson.

Breytingar á Hofsvallagötu dýrar

Eru menn ekki í lagi....

Gaman væri að vita hversu langt fram úr kostnaðaráætlun þetta listaverk væri komið, en miðað við upphaflegar tölur kostaði þessi dýrð næstum 600 þúsund á meterinn, eða meira en tvöföldun Reykjanesbrautar með mislægum gatnamótum.

 Hér er um að ræða dýrustu samgönguframkvæmd í sögu Reykjavíkur, á þeim tímum sem við höfum ekki einusinni efni á að mála gangbrautir.

 

Ólafur Guðmundsson.

 

Burðarvirki rís fyrir nýjar brýr

Vaðlaheiðargöng farin að hamla samgöngubótum.

Það má sjá með þessum orðum Vigdísar Hauksdóttur, eins og varað var við, að sú pólitíska ákvörðun um að troða Vaðlaheiðargöngum í gegn, myndi koma niður á öðrum mun brýnni framkvæmdum eins og Norðfjarðargöngum.  Vitlausustu framkvæmdinni verður haldið áfram, en aðrar endurskoðaðar. Ég hélt að allt væri undir, þar með talið það vitlausa..... 

Það virðist ekki vera raunin, enda til of mikils ætlast að svo sé.

Því var haldið fram í þeim spuna sem var lagður fyrir alþingi í fyrra, að þetta væri "Einka- eiginframkvæmd" sem kæmi ekki niður á öðrum mikilvægum samgöngubótum.  Ríkið ætlaði að ábyrgjast lán fyrir þessu, en nú er staðan sú, að enginn ætlar að lána í þessa vonlausu framkvæmd, en tómur ríkissjóður er núna að leggja fram peningana í þetta.

 Í jarðgangaáætlun voru Vaðlaheiðargöng númer 10 í röðinni.  Það væri því nær að stöðva framvæmdir þar og halda ekki áfram fyrr en að þeim kemur.  Kostnaðaráætlun er nú þegar komin fram úr því sem lagt var upp með, auk þess að 2.5 miljarða vantar nú þegar til að heimild Alþingis frá því í fyrra dugi fyrir þeim kostnaði sem menn tala nú um að verði 11.5 miljarðar. 

Hvaðan eiga þessir peningar að koma??

 

Ólafur Guðmundsson.

 

Vigdís vill ekki „nýjan steypukubb“